RAÍCES E BROTES
TODOS A UNHA
Hoxe, 1 de decembro os rapaces e rapazas de 5º e 6º tivemos a oportunidade de participar no obradoiro preparado para nós dende “Raíces e brotes” a través dunha videoconferencia e así podemos continuar coa nosa labor e colaboración con esta asociación.
Desde as nosas aulas puidémonos achegar ás diferentes actividades propostas.
Durante estas semanas os nenos e nenas de 5º de Primaria levamos a cabo distintas dinámicas para traballar a violencia de xénero: visionado de dous experimentos sociais relacionados con esta temática e a súa posterior análise, posta en común e debate de ideas relacionadas con este tema, creación de frases e gravación dun vídeo en contra da violencia de xénero.
Inés Salteiro Leis Plataforma de Organizacións de Infancia de Galicia |
DÍA DA INFANCIA – 2020
E chegou o día tan esperado. É máis, adiantouse un día! Pero antes estivemos preparando unha representación para traballar a temática sobre o Bullying, concienciándonos da importancia do respecto aos demais.
Estivemos a compartir esta celebración mediante un acto que pola situación sanitaria que estamos a vivir tivo lugar de forma telemática entre a Consellería de Política Social, coa participación da súa conselleira Fabiola García e a infancia e adolescencia pertencente a diversos centros educativos participantes nas actividades, entre os cales estivo presente o alumnado de 6º de Educación Primaria como representación da nosa escola, o CPI As Mirandas
Neste acto a infancia foi a protagonista, e, coa nosa participación e a das outras escolas servimos cono representantes do mundo dos nenos e nenas fronte aos responsables políticos expoñendo as nosas inquedanzas e preocupacións.
A tecnoloxía non se portou 100 % ben, e, aínda así tentouse compartir esta experiencia con todos os participantes.
A nosa pregunta:
ST GEORGE AND THE DRAGON
Xa que de momento non podemos facer actividades noutros recintos alleos ao noso colexio, protexéndonos e evitando contactos externos, buscamos alternativas para poder facer cousiñas máis aló da simple asistencia á escola, así que o teatro veu ás nosas aulas.
Esta vez asistimos a unha representación teatral en “streaming”, é dicir, en directo, dunha obra en inglés “St. George and the Dragon”.
Sabemos que non é o mesmo que vivir a experiencia "in situ", pero aí andamos adaptándonos e conseguindo metas que parecían impensables.
Foi unha experiencia diferente, mellorable sen dúbida, aínda que non podemos negar que os actores son uns seres moi divertidos!!
Grazas polo voso esforzo de manter a ilusión do teatro, de non perder a enerxía e seguir traballando polos soños dos rapaces e rapazas!!
