IV Feira ECOESCOLARES

 Este ano por fin volvemos facer a nosa querida feira... xa nos tardaba!

O proxecto do centro deste ano como xa sabedes foi ECOESCOLARES.

Cada clase ou clase elixiu un tema para tratar sobre reciclaxe ou medio ambiente e nós, o alumando de 5º e 6º eliximos o cambio climático e as pradeiras mariñas para facer un stand sobre a nosa investigación.

Durante todo o curso, e sobretodo, nestas últimas semanas... os alumnos/as de 6º estivemos investigando que era iso de CAMBIO CLIMÁTICO: as súas causas e consecuencias, quenes con os responsables, como podemos solucionalo...

E con toda esta información, elaboramos unha breve exposición e unha maqueta do noso planeta enfermo. Tamén decoramos cos nosos slogans e anuncios do trimestre pasado e recheamos un dos nosos disfraces de osos polar para que quedara todo máis bonito.

Ademáis de todo isto, elaboramos dous xogos sobre o cambio climático (memory e mariola) para que xogaran os nosos compañeiros/as do cole.

E ASÍ QUEDOU O NOSO STAND !!!! 

O alumnado de 5º tamén investigou sobre as PRADEIRAS MARIÑAS e fixeron un libro pop-up e un diorama. Todas as nosas maquetas quedaron así de bonitas!

Neste día, ademáis de atender o noso stand, tamén fixemos un percorrido por toda a feira para coñecer o traballo dos nosos compañeiros/as máis pequenos e da ESO. 

E pola tarde seguimos no noso stand pero coa visitas das familias... e ata do alcalde!

GRAZAS A TODOS/AS POR VIR! Esperamos que vos gustase moito o noso traballo.

ESPAZOS PROTEXIDOS DE GALICIA e RESERVAS DA BIOSFERA

Neste trimestre o alumnado do terceiro ciclo, continuamos traballando sobre o proxecto do centro ECOESCOLARES.

E nesta ocasión, puxémonos en contacto co CEIDA para investigar sobre os espazos protexidos e reservas da biosfera da nosa contorna.

Primeiramente, tivemos nas nosas aulas unha charla para aprender un pouquiño máis sobre os espazos protexidos e reservas da biosfera que temos preto de nós, quen habita nelas e como debemos coidalas.

O mércores 18 de maio, fomos coñecer unaha reserva da biosfera e fixemos un pequeno roteiro todos xuntos a Costa Dexo en Oleiros. 

Os nosos monitores foron explicándonos o que íamos vendo polo camiño...

Primeiro encontramos unha illa moi peculiar que tiña forma de... tartaruga? home acostado? cenoria? Gustounos moito e tamén as figuras dos golfiños que estaban alí.

Despois vimos as furnas, uns buratos que fixeron as ondas do mar coa súa forza.

E tamén o famoso seixo branco, unha peculiar liña de cuarzo branco que percorre as rochas.

Coñecimos tamñen diversas especies de animais e prantas en perigo de extinción como a herba de namorar.

Pasámolo moi ben e aprendimos moitas cousas sobre este fermoso lugar.

A REPRODUCIÓN

 TRABALLAMOS SOBRE A REPRODUCIÓN

No final do segundo trimestre na área de ciencias naturais o alumnado de 6ºEP estivemos vendo o tema da reprodución. A mestra Antía fíxonos unha presentación moi chula para explicarnos o tema.

Ao rematar, por grupos cooperativos investigamos os diferentes apartados do tema e fixemos estes lapbooks que nos quedaron así de bonitos.

APLICAMOS A TÉCNICA DE " VISUAL THINKING" NA ÁREA DE CIENCIAS SOCIAIS

Neste 2º trimestre o último tema de Ciencias Sociais eran os sectores económicos. As mestras Antía e Iria propuxéronnos facer un traballo empregando a técnica "VISUAL Thinking". 

E que é iso da técnica thinking? É unhas das técnicas creativas máis utilizadas no proceso de innovación. Defende a necesidade de aplicar a creatividade en todos os procesos co obxectivo de obter un resultado innovador e revolucionario.

Para levar a cabo esta tarefas traballamos en parellas e tríos. Primeiro, limos e explicamos o tema dos sectores económicos na clase. Logo, fixemos un bosquexo, plasmando as nosas ideas. Finalmente, creamos o noso produto final. 

TRABALLAMOS O ANUNCIO

Nas clases de 6º  de Educación Primaria na área de lingua galega estivemos a traballar o anuncio. As mestras  Antía e Iria nos propuxeron facer a seguinte tarefa:

Para realizar esta tarefa traballamos en grupos cooperativos. Uns tiñamos como función deseñar o slogan relacionado co cambio climático, outros encargámonos de buscar ideas para o fondo e deseñar un bosquexo. Unha vez que tiñamos todo decidido puxémonos mans a obra: debuxar, pintar, facer letras, recortar, pegar. Así de fermosos nos quedaron: