Archivo del blog

viernes, 1 de marzo de 2024

23 De Febreiro Día de Rosalía

O pasado venres, día 23 de febreiro, no 3° ciclo festexamos o día de Rosalía de Castro.

Os nenos e nenas de 5°e 6° buscamos poemas de Rosalía en galego e os escribimos en forma de caligrama na silueta do seu rostro.
Despois decoramos a súa cara e fixemos un mural que loce así de fermoso no noso corredor.


Como actividade proposta polo equipo de Normalización preparamos a lectura dalgúns dos poemas máis coñecidos de Rosalía en galego. Aquí vos deixamos unha pequena Mostra.



Feliz Día de Rosalía de Castro!!! 

viernes, 23 de febrero de 2024

FELIZ DÍA DO AMOR

No 3 ciclo gústamos moito celebrar todas as  conmemoracións. E San Valentín, o día do amor, non podía faltar no noso calendario. 

Nas clases de 6° estivemos a deseñar os distintos tipos de estrofas traballados na clase de galego (pareados, cuartetos, serventesios...) coa temática de amor.

A continuación, deixámosvos algúns vídeos coa recitación dos nosos versos.








APADRIÑAMENTO LECTOR 

Outro ano máis, grazas a nosa Biblioteca Carabela, fixemos de padriños e madriñas lectores dos nenos e nenas de Educación Infantil.


Lémoslles diferentes contos polos corredores do colexio e na biblioteca. Pasamos unha xornada moi divertida!! 















jueves, 22 de febrero de 2024

 ENTROIDO DE CINE NO CPI AS MIRANDAS



Aínda que este ano o tempo non nos acompañou para que puidésemos desfilar polas rúas de Ares, non deixamos de celebrar o noso tradicional entroido. Este ano a temática foi de cine, nunca mellor dito. Polo pabillón do cole desfilaron personaxes de emblemáticas películas de todos os estilos: Robin Hood, Piratas do Caribe, Karate Kid, Air Bud, acompañados dun grande equipo técnico de profes.

Rematamos a xornada degustando uns riquísimos doces de entroido: orellas, freixos, rosquillas, chocolate.... grazas a colaboración das nosas familias. Unha vez xa fartos, chegou o momento de bailar e de mover o esqueleto, para iso improvisamos a nosa propia discoteca, onde non faltaron as luces de cores e a boa música.  Unha xornada estupenda!.

 Aquí vos deixamos o vídeo do desfile do pabillón do alumnado de infantil e de primaria. 



QUE PASEDES UN BO ENTROIDO!!

   30 DE XANEIRO - DÍA ESCOLAR DA PAZ 

A última semana do mes de xaneiro todo o centro volcouse na celebración do Día Escolar da Paz e da Non Violencia. Todas as aulas sumáronse a variadas  propostas para visibilizar a importancia desta data e sensibilizar á comunidade educativa da necesidade dunha convivencia pacífica e enriquecedora.

Hoxe 30 de xaneiro (Día Escolar da Paz) reunímonos o alumnado e profesorado de todos os ciclos e niveis no patio cuberto e deixamos a nosa pegada a favor da paz diante dunha fermosa pomba, símbolo da paz, realizada por Alberto (o noso conserxe). Os nenos e nenas de 1º e 2º de primaria colaboraron no recheo da mesma con xiz.

Un grupiño de alumnos/as representando a cada curso deron lectura a un manifesto pola paz. 


O acto finalizou cantando todos xuntos  a canción “ El mundo entero” que foi tamén signada polo alumnado. Ao ritmo desta melodía os rapaces e rapazas das Mirandas quixeron transmitir que respectando as diferenzas, valorando a súa riqueza é camiñando xuntos, non hai muro que nos separe e esta é a forma máis importante para eliminar a violencia e acadar a paz que está dentro de nós.




 CELEBRAMOS O NADAL NO 3º CICLO!

Durante o mes de decembro para festexar o Nadal (que tanto nos gusta) os mestres e mestras preparáronnos un calendario de advento. Cada día tiñamos que abrir un saco do calendario e ver que actividades nos tocaban. Entre as tarefas propostas fixemos ditados musicais, xogos de sopas de letras, manualidades de Nadal e ata o xogo do amigo invisible. 

Outra das actividades que fixemos foi deseñar unha postal de Nadal e escribir nela unha felicitación para un familiar ou amigo. Unha vez rematadas, fomos a envíalas á Oficina de Correos, para que chegaran a tempo ao seu destino. 

Tamén fixemos o xogo do amigo invisible, cada un de nós tiñamos que preparar un agasallo na casa para un dos nosos compañeiros e compañeiras. Que ben o pasamos, cando os abrimos!!!

Por último estivemos a preparar as cancións para o festival de Nadal! Cinco de nós fixemos de presentadores da Gala de Nadal de Infantil e Primaria polo que tamén tivemos que repasar e ensaiar o noso guión. Tamén fomos polos comercios locais a buscar produtos para realizar un sorteo de lotes de Nadal o día do festival e así poder recaudar diñeiro para a nosa excursión de final de curso. Isto foi posible grazas aos mestres Iria e David. 


































Deixámosvos o vídeo das actuacións do noso ciclo o día do FESTIVAL DE NADAL!!


QUE PASEDES UN BO NADAL!!!!


 VISITA Á XUNTA DE GALICIA, Ó PARLAMENTO, Á CATEDRAL E O MUSEO DE HISTORIA NATURAL


O pasado mércores os alumnos e alumnas do 3° ciclo fixemos unha saída a Santiago de Compostela.

Pola mañá visitamos a Xunta de Galicia, alí unha guía nos explicou as características arquitectónicas do edificio e a súa historia. Unha vez no interior visitamos a sala onde se reúnen os secretarios técnicos xerais e coñecimos a súa función.
Tamem visitamos a sala onde se reúnen o presidente da Xunta, Alfonso Rueda, e os seus concelleiros/as para a toma de decisións. Algúns de nós convertémonos en concelleiros/as e tivemos que explicar as función da nosa concellería.

Despois visitamos o Parlamento. Alí nos explicaron tamén a historia do edificio, facendo especial fincapé na gran cantidade de obras de arte que alí podemos observar. Visitamos varias salas onde se reúnen os nosos políticos e nos puxeron un vídeo onde nos explicaron brevemente as funcións principais desta institución. Tamén fomos á sala onde se reúnen o presidente e os concelleiros/as, fixemos un xogo, onde tiñamos que ser representantes políticos e tivemos que saír ao atril para formular as nosas propostas de mellora para Galicia. No Parlamento nos agasallaron cunha mochila e un libro. 

Fixemos unha parada para comer na Alameda.

Pola tarde dimos un paseo pola zona vella de Santiago de Compostela e visitamos a catedral. Despois visitamos o Museo de Historia Natural de Santiago. Un gran descubrimento, onde puidemos ver milleiros de especies de animais disecados, e fixemos xogos e obradoiros. 

Pasámolo xenial!