ENTROIDO 6ºEP

 VIVA O ENTROIDO

Chegou o día de Entroido no CPI As Mirandas!

Este ano, como xa sabedes, o proxecto do noso centro é sobre o medio ambiente. E  por isto, en sexto decidimos ir de osos polares manifestándonos contra o cambio climático e o desxeo do noso fogar.

As nosas profes axudáronnos a preparar os disfraces, a actuación e todos os detalles para que fose un día moi especial.

Fixemos un desfile no patio e cantamos unha canción á que lle cambiamos a letra. Pasámolo xenial!

E por último, demos un paseo polas rúas da vila e polo paseo marítimo. Foi un gran día.

Que teñades un bo entroido e vémonos á volta!

PLANTANDO ÁRBORES CON PINCEIS

PINTADO DE BOLSAS DE TEA E MURAL

O mércores 23 de febreiro, o alumnado de 5º e 6º fixemos unha actividade moi divertida de Afundación chamada "Plantando árbores con pinceis" 

Como o proxecto deste ano do noso cole é sobre o medio ambiente: ECOESCOLARES. Esta actividade vennos perfecta para afondar máis no coidado do noso planeta.

Os nenos/as de 5º fixeron un obradoiro de pintado de bolsas de tea con pinturas ecolóxicas e quedaron así de bonitas.

E os alumnos/as de 6º fixemos un mural nunha parede do noso centro sobre o medio ambiente con pinturas ecolóxicas. O deseño foi de Alejandra, unha alumna de 6ºA, sobre o malgasto da auga. 

Coa axuda de David, o artista experto en murais, quedounos precioso. É un recordo que quedará na parede do noso cole por moitos anos. 

Grazas chicos por facelo tan ben!

Déixovos un video resumo de todo o proceso. Espero que vos guste!

COIDEMOS A NOSA TERRA

 23 DE FEBREIRO

 DÍA DE ROSALÍA DE CASTRO 

Hoxe, día 23 de febreiro, no colexio celebramos o Día de Rosalía de Castro. 

No 3º ciclo as mestras propuxéronnos facer unha banda deseñada da vida e obra desta gran poetisa e novelista.  Primeiro limos na clase a biografía de Rosalía de Castro e logo as mestras distribuiron os datos máis salientables da súa vida e obra en diferentes viñetas. 

En cada aula traballamos en grupos cooperativos, mentres uns facíamos os debuxos,  outros coloreábamos as letras, as caras de Rosalía de Castro e outros escribíamos o texto para cada viñeta. Logo lle dimos cor as viñetas. Así de fermoso quedou o noso mural. Esperamos que vos guste tanto como a nós. 

FELIZ DÍA DE ROSALÍA DE CASTRO 

 FELIZ DÍA DE SAN VALENTÍN!

O pasado luns día 14 de febreiro celebramos no colexio o "Día de San Valentín", día do amor e da amizade, así no 3º ciclo puxémonos mans a obra para decorar as portas das nosas aulas e darlle un toque de cor ao noso corredor. 

Así de fermosas nos quedaron. 

As mestras de 6º de Educación Primaria nos agasallaron cunha tarxeta cunha mensaxe moi fermosa e cun delicioso doce. Moitas grazas Antía e Iria. 

E para vós? Como definiriades nunha soa palabra o que é o amor? Algunhas das nosas aportacións son: 

FELIZ DÍA DO AMOR E DA AMIZADE

 COMEZAMOS O 2º TRIMESTRE

DÍA DA PAZ 

O 30 de xaneiro celebramos o "Día Escolar da Non Violencia e da Paz".  Por iso, ao longo destas semanas fomos realizando diferentes actividades para a conmemoración de este día. 

Este é o video que gravamos todo o cole para festexar este día. Aprendemos a canción "SIENTE LA PAZ" e signámola en LSE.

Realizamos uns atrapasoños da paz e quedáronnos así de bonitos!

          

Dentro do proxecto Erasmus fixemos entre todo o cole un mural pola paz cunhas ás de plumas feitas por todo o alumnado do cole. 

Na sección bilingüe de 5º de EP coa mestra Nuria fixemos este mural con pombas de papeis de cores. Mirade que ben luce na entrada do noso corredor.