O MAGOSTO NAS MIRANDAS

 

ACTIVIDADES POLO MAGOSTO

Este curso puidemos facer unha celebración do magosto fora das aulas e con castañas incluidas, áinda que non as puidemos comer.

Os nenos/as de 5ºe 6º fomos camiñando ata Lubre para facer uns xogos populares de magosto propostos polas nosas titoras.

Ao chegar merendamos por grupos ao aire libre.

Logo fixemos 4 estacións de xogo rotativas por clases:

Pasámolo moi ben e gustounos moito poder saír xuntos das nosas aulas.

A profe Fifí fíxonos este video tan chulo de recopilación de tódalas actividades que se fixeron no Magosto no cole. Buscádevos ao final que seguro que nalgunha foto aparecedes ;)

https://youtu.be/vAAdP8QRdJ8

  **********************

MANEXAMOS O EDITOR DE TEXTOS "LIBREOFFICE WRITER"

 OS ALUMNOS E ALUMNAS DE 6º APRENDEMOS A MANEXAR O LIBREOFFICE WRITER

Xa o curso pasado, cando estábamos en 5º de EP, traballamos un pouquiño con este editor de textos. Este ano estamos profundizando un pouco máis: cambios de fonte, tamaños e cores, inserir fotos, vídeos e hipervínculos, pasar o documento a pdf.  

Para isto fixemos dúas tarefas nas clases de lingua castelá e lingua galega. 

Na clase de lingua castelá en grupos cooperativos traballamos o "Texto instrutivo". A tarefa consistía en realizar as instrucións para a creación dun origami. Tiñamos que redactar nun documento os diferentes pasos, introducir fotos e vídeos. Logo, fixemos unha exposición oral explicando os pasos do traballo ao mesmo tempo co resto dos compañeiros/as crearon os seus origamis.  

Na clase de lingua galega en grupos cooperativos traballamos a "Biografía".  Cada grupo debía elixir unha personaxe e redactar a súa biografía tendo en conta un esquema previamente entregado polas mestras. No traballo tiñamos que poñer o título destacado e introducir algunha fotografía. 

 ACTIVIDADE DAS AVES

Durante esta semana, os alumnos de 5º e 6º tivemos a visita de dous monitores de educación ambiental que nos falaron sobre o coñecemento e a conservación das aves do noso concello.

Despois da charla, tivemos un obradoiro para crear caixas-niño para os paxaros que fabricamos nós mesmos.

   

  

Cando as rematamos, fixemos unha saída polas rúas da nosa vila, polo paseo marítimo e polo parque para ver cos prismáticos as aves máis de cerca. 

   

 

E ademáis, colgamos una das nosas caixas-niño nas árbores do parque. Agora teremos que ser responsables con elas e estar atentos para ver se nelas habita algunha ave cos seus poliños.

  

  

Gustounos moito aprender un pouco máis sobre as aves autóctonas da nosa contorna.

XA CHEGOU O SAMAÍN! 

Este ano no 3º ciclo fixemos moitas actividades para a celebración do Samaín. 

DENDE O EQUIPO DO ERASMUS PROPUXÉRONNOS COMO ACTIVIDADE A CREACIÓN DUN VASOS CON MOTIVOS DE "HALLOWEEN". ASÍ DE TERRORÍFICOS QUEDÁRONNOS!

Fixemos un mural titulado "Fear Dates" ou "Citas de medo". En cada clase eleximos diferentes personaxes típicos do Samaín e deseñamos unha ficha de presentación, co fin de cada personaxe puidera encontrar ao seu amigo/a compatible. Seguirán coñecéndose?

Nas clases de 6º na área de lingua galega traballamos os caligramas. Un caligrama é un poema que reproduce unha imaxe mediante a palabra escrita. Primeiro deseñamos estrofas relacionadas co Samaín, logo debuxamos a silueta do noso debuxo, despois integramos as estrofas no debuxo e por último o pintamos e decoramos. Así de bonitos locen agora no noso corredor. 

Nas clases de 5º os alumnos e alumnas decoraron as portas para dar a benvida a esta festividade. Quedaron así de fermosas. 

Nas clases de 6º na área de plástica, xa sabedes que este curso estamos deixando voar a nosa imaxinación. As mestras  propuxÉronNOS crear nunha lámina unha casa encantada e estos foron os resultados. Algunhas dan verdadeiramente moito medo. Quen de vÓs se atrevería a entrar nelas?

A DISFRUTAR DA PONTE. QUE PASEDES UN SAMAÍN TERRORÍFICO.