COMEZAMOS!!!

BENVIDOS E BENVIDAS A ESTE NOVO CURSO 2021-2022

As aulas de 5º e 6º atopáronse moi baleiras durante estes dous meses de verán, botáronvos moito de menos, polo que están desexando que volvades, e que as enchamos de sorrisos, amizades, segredos... e por suposto de novas aprendizaxes.

 
Vémonos mañá. 

AS MESTRAS DE 5º E 6º. 

EXCURSIÓN FINAL DE CURSO DO 3º CICLO

 EXCURSIÓN DE FINAL DE CURSO DO 3º CICLO

Por culpa da situación que estamos a vivir, este ano a excursión de final de curso do 3º ciclo, non foi como a todos nos gustaría, mais as mestras Fernanda, Pamen, Antía e Iria se propuxeron que non quedásemos sen excursión e nos prepararon unha saída moi divertida. 

Primeiro, tocou sesión de cine na Sala de Multicines Odeón, unha sala única e exclusivamente para nós. A película escollida foi "Tom y Jerry" unha comedia moi divertida na que non faltaron as gargalladas. 

Despois era o momento de mover o corpo no Sould Park Jump, saltamos nas camas elásticas, xogamos ao baloncesto e ao fútbol nas colchonetas, fixemos concurso de saltos utilizando o trampolín... e ata as mestras animáronse e saltaron. Pasámolo xenial!

Aquí vos deixamos un pequeno vídeo con algunhas das fotos que resumen a nosa marabillosa xornada.

Desexarlles moita sorte aos nosos compañeiros e compañeiras de 6º curso na súa nova andaina na ESO. Botáremolos moito de menos. 

Que pasedes un bo verán e a distrutar das merecidas vacacións. 

Vémonos en setembro!

A QUEN LLE IMPORTA

Como xa sabedes, ao longo deste curso estivemos inmersos no plan CON-VIVE. E para rematar este proxecto, organizamos un baile coa axuda dos profes e de todo o alumnado de Educación Primaria.

E que mellor que a canción de Alaska "A quien le importa" para bailarlle á diversidade. O alumnos de 5º e 6º traducimos a letra ao galego e cambiamos algún verso da canción para facela máis nosa.

Logo aprendimos as coreografías diseñadas por todos eles coa axuda das profes de música e educación física.

E o resultado foi o seguinte... Esperamos que vos guste!!!

Congreso Praderías mariñas do CEIDA

 Onte fumos a Santa Cristina coa asociación CEIDA a exponer o noso traballo sobre a pradería mariña de Ares.

Representamos aos nosos compañeiros e mestras que se implicaron neste proyecto.

Tiñamos conciencia de que todos os nosos compañeiros e compañeiras estaban presentes ese día.

Congreso praderías mariñas 6º Primaira

 Onte fomos ao I Congreso Escolar sobre Pradeiras Mariñas do CEIDA en nome dos nosos compañeiros e mestras.

 La Voz de Galicia recolle a información na súa edición de A Coruña

https://www.lavozdegalicia.es/noticia/coruna/oleiros/2021/06/11/praderas-marinas-santa-cristina-unicas-galicia/00031623419019421771704.htm

REGUEIFARES

 Para a conmemoración do Día das Letras Galegas os nenos e nenas do 3º ciclo de Educación Primaria iniciámonos no mundo das regueifas. 

QUE É UNHA REGUEIFA?

Unha regueifa é unha disputa oral, improvisada e en verso entre dúas ou máis persoas sobre un tema determinado.

Primeiramente, investigamos que eran as regueifas e escoitamos distintos tipos, unhas máis tradicionais e outras máis moderniñas.

Logo, traballamos a creación de rimas de xeito improvisado. Finalmente, seleccionamos o tema das nosas regueifas e puxémonos mans a obra.

Tras varios días de ensaios, un ensaio xeral, por fin chegou o día da gravación. E a pesar dalgúns contratempos, estes foron os resultados. 

Agardamos que vos gusten. 

FELIZ DÍA DAS LETRAS GALEGAS

23 de ABRIL: DÍA DO LIBRO

 o PASADO DÍA 23 DE ABRIL CELEBRAMOS NO Cpi as mirandas O DÍA DO LIBRO.  

O ALUMNADO DE 5º E 6º PREPAROU NAS SÚAS AULAS DIFERENTES CONTOS INVENTADOS POR ELES OU ESCOLLIDOS DA BIBLIOTECA DO CENTRO PARA REPRESENTAR E LER AOS NENOS DE INFANTIL E PRIMER CICLO DE PRIMARIA.

OS NENOS E NENAS PEQUENOS ESCOITARON MOI ATENTOS COMO OS MAIORES CONTÁBANLLES CONTOS. TODOS PASAMOS UN BO RATO GOZANDO DA LECTURA.

"non deixes para mañá o que poidas ler hoxe"